حد فاهم حاجه؟؟؟!!!!!

بسم الله الرحمن الرحيم

  

ضاقت فلما استحكمت حلقاتها...

فرجت..وكنت اظنها لا تفرج......

فى حاجه انا ما اعتقدش ان انا الوحيده اللى واخده بالى منها...

فى ايام كتيره ممكن اتخانق فيها مع اصحابى – اللى كانوا واحشينى من كام يوم.. - وفجأه نتصالح بسبب مش ممكن كنا نتوقعه..

فمثلا:

فى يوم من الايام كان فيه امتحان رياضيات..امتحان شهر واتنييييييين من اعز اعز اعز اصحابى كانوا طلبوا منى اغششهم مسأله بس انا رفضت تمسكا بمبادئى – انا بس ما كنتش عارفه الاجابه يعنى  – ..

المهم... اصحابى زعلوا وقعدوا حصتين والفسحه زعلانين وبعدين اخواتى جم ياخدونى واختى قامت مسلمه على اصحابى دول ..واتصالحنا احنا كده!!!! ...واتكلمنا تانى عادى!!....وطبعا ده جميل من جمايل اختى عليا – اللى ماتتعدش "الا على" صوابع الايد  – ...

شفتوا؟؟؟...بسيطه..

وحاجات تانيه كتير...والموضوع ده مافيهوش نص فاضى – ابسطوا..مليت لكوا النص التانى  –..بالعكس..... ده كده وكأن ربنا بيقولنا ماتشيلوش هم اى حاجه فـ الدنيا...وما يبقاش بالنا مشغول بحاجه ماتستاهلش "وما خلقت الإنس والجن إلا ليعبدون"...خصوصا وان انا ساعات فـ الصلاه بخرج منها عشان بفكر فـ حاجه شاغلانى.... 

وبعدين تفاءلوا بالخير تجدوه.....بس طبعا مانساش " وعسى ان تكرهوا شيئا وهو خير لكم "

             

Yoia.7

ها ها هاتشن...

بسم الله الرحمن الرحيم

الأجازة بدأت وبدأت أزعل جداً عشان اصحابى هيوحشونى ..

زعلانه لأنهم هيوحشونى وزعلانه لأن انا حاسه ان الأجازه هتضيع من ايديا وانا زعلانه بينما اصحابى هيلعبوا لغاية اما يقولوا بس !!..

بقى ظنى فـ اصحابى انهم لما يقابلونى فـ المدرسه السنه الجايه مش هايبقوا فاكرنى لأنهم مافكروش فيا طول الأجازه اطلاقاً ......

بس سبحان الله – أنا فـ حالة ازبهلال عجيبة –...

آخر يوم فـ الامتحانات روحت وعلى طول – طبعاً – قعدت على الكمبيوتر أشوفه – بقى – ...

ولقيت بالصدفه عـ النت :-

يقآل في علمّ " البرمجہۧ اللغويہِۧ العصبيہِۧ "

- عندمآ يأتيك إحسآسّ مفآجئ بالحزنُ ,
دونّ أن تعرف السببْ ! , فإن ذلك يعنيّ أن هُنآك شخص يشتآقّ إليك بشدهّ
<= لدرجہِۧ أنك تتألمّ حتى و أنت بعيد عنہِۧ . .>
.........
- و يقآل أيضاً , عندمآ تكونّ نآئماً و تستيقظ فجأہِۧ وْ لآ تستطيعُ أن ترجعّ إلى ـآلنومّ
فَ إنّ ذلك يعنيّ أن هنآك شخص يُفكر فيكّ ب قوهّ في هذآ الوقت !


- و يقآل أيضاً , عندمآ يأتيكُ شخص تحبہِۧ فيّ الأحلآم . . في الحقيقہِۧ من الممكنّ
أن يكوُن شوقّ الشخصْ نفسہِۧ لك و تفكيرہِۧ بك صنعّ التوآصل الروحيّ بينكمآ الآ محسوسّ

يعنى – تقريباً والعلم لله – كل لحظه هافكر فـ إن اصحابى هيوحشونى قوى يبقى اصحابى برضه بيفكروا فيا..أو لما أفكر فيهم يفتكرونى – عد كام حرف فاء فـ الجمله اللى فاتت دى – ...

الحكايه دى بالرغم من ان أنا مش متأكده منها إلا ان انها رفعت من معنوياتى جامد.....وده بالرغم من ان الكلام ده قريب من :-

لما بتتكلم عن حد وهو بعيد عنك بيقعد يكح ويعطس – ويجيله زغطه كمان – ..

ولما يقع لك رمش يبقى حد بيفكر فيك..والكلام ده..

بس أنا برضه متفائله بسبب الكلام ده..وبسبب توقيته – يعنى أول ما روحت ..يا سبحان الله –

وفى النهايه...

جاء جبريل إلى النبي صلى الله عليه وسلم فقال :" يا محمد عش ما شئت فإنك ميت واعمل ما شئت فإنك مجزى به وأحبب من شئت فإنك مفارقه واعلم أن شرف المؤمن صلاته بالليل وعزه استغناؤه عن الناس ".