بسم الله الرحمن الرحيم
فى أول خطواتى فى المدونه هاتكلم عن ثورة مصر..
لفت نظرى حاجة غرييييييييييبة ..هى إن فــ عز – بلاش عز
–
–فــ ظل التفاؤل الكبير بعد نجاح الثورة ...
بدأ المصريين كلامهم فى الإعلام و الصور و الــSMS إنهم هايبقوا إيجابيين ويغيروا نفسهم ويبطلوا يرتشوا ويعاكسوا ويكسروا إشارات و..ووووو
إلى إن بعد يومين من خبر تنحى مبارك اكتشفت وناس كتير اكتشفت الجروب الشهير على الفيس بوك اللى اسمه : "الراجل اللى واقف ورا عمر سليمان"
و الناس اللى فيه كتير مش قليلين ,
ونازلين تريقة بالكلام والصور وإساءه للراجل
لمجرد "الظن" انه من أتباع النظام الفاشي – أو الفاشل..الإتنين ينفعوا
– أو حتى لمجرد التنكيت و الهزار....
– أو حتى لمجرد التنكيت و الهزار....بس خلينا متفائلين
وأنا عن نفسى هابص على نص إزازة البيبسى المليان ...
لأنه بعد التعرف على هوية الراجل انتشرت جروبات تانيه على الفيس بوك للإعتذار للراجل وأفراد عيلته..
وشوفت تعليقات بتقول انها آسفه برغم انها ماكتبتش حاجه , بس بتعتذر لإنها سمحت لنفسها تقرأ التعليقات .....ودى حاجه عجبتنى أوى ..
يعنى فى تغيير ...
و إن شاء الله ثورتنا الجايه بالعمل هاتبقى ناجحه زي دى..
Yoia.7
عندك حق يا آيه ، انا زعلت من التريئة ، بس أنا للأسف شاركت فيها :(( ، وربنا يسامحنا بقى ، ونعتذر مرة تانية للمقدم حسين شريف :)
ردحذفملحوظتك في مكانها يا آيه :)
ردحذفوأحب أقولك إن إن شاء الله في تغيير :)
دينا
ردحذفما أنا دايما عندى حق :)
بس يا ريت تاخدى بالك بعد كده
بعنى (ما تهيصيش مع الهيصة) وخلاص
مصطفى محمود
ردحذفأيوة أنا برضه بفول أنا دايما بحط كل حاجة مكانها:))
وأنا كمان أحب أقولك يارب نبقى جزء مشارك فى التغيير دة إن شاء الله